"Тоттенхэм"нинг 27 ёшли ивуарлик ҳимоячиси Серж Орье "ПСЖ" клубига қайтишни хоҳлаётганини тан олди.
Серж Орье «Тоттенхэм» клубига «ПСЖ»дан 2017 йилнинг август ойида 23 миллион фунт эвазига кўчиб ўтганди. Серж ҳозиргача "шпорлар" таркибида 74 та учрашувда майдонга тушди.
Орье "Тоттенхэм" клуби сафида мунтазам равишда майдонга тушаётганига қарамай, "ПСЖ"га қайтиш ҳақида ўйлаётганини тан олди.
«ПСЖ»га қайтишим мумкинми? Бу менинг асосий режам! Футболчилик фаолиятимни «ПСЖ»да якунлаш ниятидаман, чунки, у клуб менинг юрагимда.
Битта мураббий билан муносабат ёмон бўлмаганида, мен ҳозиргача "ПСЖ" таркибида ўйнаётган бўлардим», — деди Серж Орье.
