Англиянинг «Лидс» ва Австралия терма жамоаси собиқ ҳужумчиси Марк Видука "МЮ" билан олиб борган яширин музокарасини қўшиқчи Элтон Жон барчага айтиб берганини яширмади.
Австралия терма жамоасининг собиқ сардори Марк Видука 2000 йилдан 2004 йилгача «Лидс» клуби сафида ўйнаган. У ўша пайтдаги "Манчестер Юнайтед" клуби бош мураббийи Алекс Фергюсоннинг асосий нишонига айланганди.
Видука «қизил иблислар» билан музокара олиб бориш учун Манчестер шаҳрига борган ва ундан кейин Элтон Джоннинг концертига ташриф буюрган.
«Ўша пайтда Элтон Джон билан кўп ишларни амалга оширган агентим билан Манчестер шаҳрига боргандим. Мен қўшиқчи билан шахсан учрашганман ва "МЮ" билан музокара олиб бораётганимни айтганман.
Кейинроқ саҳнада Джон: «Кейинги қўшиғимни муҳим қарор қабул қилиш учун Манчестер шаҳрига клеган Марк Видукага бағишлайман»-деганди. Ўшанда барчаси тугади деб ўйлаганман», — дея хотирлади Видука.
