Ушбу рукнимиздаги энг сўнгги янгиликлар билан таништиришда давом этамиз.

Дембеле Италияга йўл оладими

Каталониянинг “Барселона” жамоаси ҳужумчиси Усман Дембеле ёзда Италия клубларидан бирига ўтиши мумкин.

“Mundo Deportivo” нашри берган хабарларга қараганда, 22 ёшли вингернинг ҳизматлари билан “Интер” ва “Ювентус” жамоалари қизиқиб қолган.

Эслатиб ўтамиз, Дембеленинг “Барселона” клуби билан тузган шартномаси 2022-йилгача мўлжалланган бўлиб, унинг трансферини “Челси” ва ПСЖ жамоалари ҳам амалга оширишга истамоқда.

“Лестер” “Бетис” билан музокараларга киришди

Англиянинг “Лестер” жамоаси “Бетис” клуби ярим ҳимоячиси Виллиам Карвальонинг трансфери борасида иш олиб бормоқда.

“A bola” нашриберганхабарларгақараганда, “тулкилар” яримҳимоячинингтрансфериучун 25 миллионевросарфэтади.

Эслатиб ўтамиз, португалиялик футболчи ушбу мавсумда “Ла Лига”нинг 9 та учрашувида майдонга тушди ва битта ассистни ўз ҳисобига ёздириб қўйган.

“Тоттенҳем” “Валенсия” футболчисига даъвогар

Англиянинг “Тоттенҳем” клуби “Валенсия” ярим ҳимоячиси Жеффри Кондогбиани трансфер ҳуқиқини сотиб олмоқчи.

“El desmarque” нашри берган хабарларга қараганда, 27 ёшли футболчи учун “шпорлар” ёзда 40 миллион евродан воз кечишга тайёр.

Манба берган хабарларга қараганда, Испания клуби франциялик футболчини 61 миллион евродан камига қўйиб юбормоқчи эмас.

Эслатиб ўтамиз, Кондогбиа ушбу мавсумда “Ла Лига”нинг 17 та ўйинида майдонга тушди ва ўз ҳисобига 1 та гол ёзиб қўйди.

“Сити”га янги Силва керак

Англиянинг “Манчестер Сити” жамоаси мураббийи Пеп Гвардиола ёзда ярим ҳимоячи сотиб олишни режа қилган.

“Don Balon” нашри берган хабарларга қараганда, мураббий “Бавария” жамоаси футболчиси Тиаго Алкантара ёзда Манчестерга олиб келмоқчи.

Манба берган хабарларга қараганда, Гвардиола Давид Силванинг ўрнини айнан Тиаго билан тўлдиришни истамоқда. Тиагонинг ўзи Англияга кўчиб ўтишга қарши эмас.

Эслатиб ўтамиз, испаниялик футболчи ва “Бавария” клуби ўртасидаги шартнома 2023-йилда ўз якунига етади.

Милик Симионега керак

Испаниянинг “Атлетико Мадрид” жамоаси бош мураббийи Диего Симионе “Наполи” клуби ҳужумчиси Аркадиуш Миликни “Атлетико”га олиб келишни истамоқда.

АSнашри берган хабарларга қараганда, “матрасчилар” полшалик ҳужумчи учун 40 миллион евродан воз кечсига тайёр.

Тез орада “Атлетико” “Наполи” билан музокараларни бошлаши кутилмоқда.

Эслатиб ўтамиз, Милик бу мавсумда “А Серия”нинг 17 та учрашувида майдонга тушди ва 9 та голга муаллифлик қилди.