«Ливерпуль» клуби собиқ бош мураббийи Кенни Далглиш шифохонага ётқизилди. Бу ҳақда мерсисайдликлар расмий сайти хабар тарқатди.
Манбага кўра, 69 ёшли мутахассис коронавирусга чалингани аниқланган. Лекин унда касаллик аломатлари сезилмаган. Далглишга керакли даво чоралари кўрсатилган.
Маълумотларга қараганда, Далглиш шифохонага тушгунга қадар ўзини яккалаш ҳаёт тарзини бошдан кечирган.
Эслатиб ўтамиз, Кенни Далглиш – "Ливерпуль" афсонаси ҳисобланади. У 1977-1990 йиллар оралиғида клуб футболкасида тўп тепган бўлса, 1985-1991 ҳамда 2011-2012 жамоада мураббий сифатида ишлаган.