«Манчестер Юнайтед» клуби собиқ бош мураббийи сэр Алекс Фергюсон коронавирус пандемиясига қарши курашдан ҳайратда. Шотландиялик афсона айниқса, шифокорлар иши ва тиббий гуруҳ ҳаракатини мақтамоқда. Сэр Алекс шу баҳона ўзи тушган ҳолатни ҳам ёдга олди.
«Тўғриси, соғлиқ-саломатлик жуда муҳимлигини теран тушуниб олганимиздан ҳайратдаман. Буни шахсан мен 2 йилча олдин, шифокорлар ҳаётимни сақлаб қолишганида англаган эдим. Пандемия шароитида одамларнинг бирлашишгани ёқимли ҳолат, албатта. Қойилмақом иш!», деди Фергюсон.
• 2018 йили Алекс Фергюсонда мияга қон кетиш аниқланган эди.
• Дунёда коронавирус туфайли ҳаётдаг кўз юмганлар сони 103000 кишидан ошди.