"ПСЖ" ҳужумчиси Неймарнинг онаси Надин Гонсалвес 22 ёшли киберспортчи Тиаго Рамос билан учрашмоқда. Бу ҳақда у ўзининг инстаграмдаги саҳифасида гапирди.
52 ёшли Гонсалвес севгилиси билан фотосурат жойлаштирди. "Тушунтириб бўлмайдиган нарсани тушунтириб бўлмайди", — дея имзо чекди у. Хабарга изоҳларда, 28 ёшли Неймар онасига бахт тилаган, футболчининг отаси Вагнер Рибейро эса маъқулловчи ишора қолдирган.
UOL маълумотларига кўра, Рамос ҳам киберспортчи (ярим профессионал), шунингдек модел сифатида ишлайди. Таъкидланишича, Рамос ва Неймар ўртасида дўстлик ривожланган ва спортчи футболчининг туғилган кунида иштирок этган.
