Аргентиналик ҳужумчи Карлос Тевес «Манчестер Юнайтед» клубидаги жамоадоши Криштиану Роналдуни спорт залда ҳам, майдонда ҳам ортда қолдира олмаганини тан олди.

«Менимча, дунёнинг ҳар бир аёли Роналдунинг гавдасига ақлдан озади. У бўш вақтини тренажер залда ўтказади. У ҳаёти мобайнида спорт билан шуғулланади.

У кўпроқ ишлаш учун эртароқ ташриф буюрган кунларимни эслайман, лекин, спортзалга кирсам, у шуғулланаётган бўларди. У ҳудди тунни ўша ерда ўтказди деган туйғу пайдо бўларди.

Бир куни соат 6да спортзалга келдим, лекин у ўша ерда эди. Мен уни спортзалда ҳам, майдонда ҳам ортда қолдиришга ҳаракат қилдим, лекин буни уддалай олмадим. Роналду – ажойиб футболчи», — Карлос Тевес.