Бугун АОКА штабида ИИВ Миграция ва фуқароликни расмийлаштириш бош бошқармаси бўлим бошлиғи подполковник Акбархон Юнусхўжаев иштирокида брифинг бўлиб ўтди.
Унда подполковник Акбархон Юнусхўжаев бир қатор муҳим саволларга жавоб қайтарди.
Жумладан, миллий чемпионатимизда иштирок этаётган клублар таркибидаги футболчиларнинг вақтинчалик рўйхатдан ўтказиш муддати ва виза муддати якунига етган бўлсада, клуб вакиллари ўзларининг легионер футболчиларининг ҳужжатларини карантин якунига етганидан сўнг, узайтириш ҳуқуқига эга эканликларини айтиб ўтди.
"Карантин БЕКОР қилинганидан сўнг виза муддатини узайтириш масаласида ўрнатилган тартибда ҳудудий Миграция ва фуқароликни расмийлаштириш бошқармасига мурожаат этишингиз мумкин. Карантин даврида виза муддатини ўз вақтида узайтира олмаганлик қоидабузарлик ҳисобланмайди."-деди ИИВ Миграция ва фуқароликни расмийлаштириш бош бошқармаси бўлим бошлиғи подполковник Акбархон Юнусхўжаев.
