Bugun AOKA shtabida IIV Migrasiya va fuqarolikni rasmiylashtirish bosh boshqarmasi bo‘lim boshlig‘i podpolkovnik Akbarxon Yunusxo‘jayev ishtirokida brifing bo‘lib o‘tdi.
Unda podpolkovnik Akbarxon Yunusxo‘jayev bir qator muhim savollarga javob qaytardi.
Jumladan, milliy chempionatimizda ishtirok etayotgan klublar tarkibidagi futbolchilarning vaqtinchalik ro‘yxatdan o‘tkazish muddati va viza muddati yakuniga yetgan bo‘lsada, klub vakillari o‘zlarining legioner futbolchilarining hujjatlarini karantin yakuniga yetganidan so‘ng, uzaytirish huquqiga ega ekanliklarini aytib o‘tdi.
"Karantin BEKOR qilinganidan so‘ng viza muddatini uzaytirish masalasida o‘rnatilgan tartibda hududiy Migrasiya va fuqarolikni rasmiylashtirish boshqarmasiga murojaat etishingiz mumkin. Karantin davrida viza muddatini o‘z vaqtida uzaytira olmaganlik qoidabuzarlik hisoblanmaydi."-dedi IIV Migrasiya va fuqarolikni rasmiylashtirish bosh boshqarmasi bo‘lim boshlig‘i podpolkovnik Akbarxon Yunusxo‘jayev.
