Журналист Николя Вилас "Mourinho: Behind the Special One" номли китобида португалиялик мутахассиснинг 2004 йили "Челси" клубига ўтиш тафсилотларини ошкор қилди. Бу ҳақда ESPN портали хабар бермоқда.
Моуриньонинг собиқ маслаҳатчиси Хорхе Байдеканинг сўзларига қараганда, Жозе "Порту"нинг қолган мураббийлари сингари "Ливерпуль" билан келишиб қўйганди. Жозе мавсум якунланганидан кейин "қизиллар"ни қабул қилиб олиш керак эди, бироқ, "Ливерпуль"нинг ўша пайтдаги бош мураббийи Жерар Улье билан шартномани бузиш учун 15 кун муддат талаб этилаётганди. Кейин Жорже Мендеш Жозега "Челси" клубидан таклиф бўлаётганини, "кўклар" кўпроқ пул таклиф қилаётганларини айтиб қолди.
Китобда ёзилишича, Моуриньо "Челси" хўжайини Роман Абрамович билан атиги икки марта учрашган: май ойида бўлиб ўтган ЕЧЛнинг ярим финали олдидан ва кейинги сафар ЕЧЛнинг финалида қўлга киритилган ғалабадан кейин.
