Бугун, 19 апрель куни аргентиналик собиқ футболчи Фернандо Редондонинг машҳур финтига 20 йил бўлди.
2000 йил 19 апрелда "Олд Траффорд"да "Манчестер Юнайтед"га қарши Чемпионлар лигаси чорак финалининг иккинчи учрашувида "Реал" сафида ўйнаган Редондо манкунианликлар ҳимоячиси Хеннинг Бергни қанотда ноодатий финт билан ортда қолдиради, шундан сўнг у жарима майдончасига кириб боради. Сўнг олдинги чизиқдан бўш қолган Раулга тўпни узатади. Рауль эса очиқ дарвозага гол киритди. Ўша ўйинда "Реал" 3:2 ҳисобида ғалаба қозонди ва иккита ўйин натижасига кўра ярим финалга чиқди.
"20 йил олдин ... Ҳақиқий афсунгарлик", — деб ёзди "Реал" видеога берган изоҳида.
