«Барселона» бош мураббийи Кике Сетьен клубнинг ёш тарбияланувчилари асосий таркибга тайёр эмаслигини айтиб ўтди.
"Муаммо шундаки, ёш ўйинчилардан ҳеч бири асосий таркиб футболчиларидан кучли эканига мени ишонтира олмади. Мен улар учун асосий таркибдан кимнидир чиқариб ташлай олмайман.
"Барселона"нинг академиясига шубҳа қилмайман. Ёш футболчилар билан ғалаба қозона олишимизга ишонч ҳосил қилган ўйинларимда уларни майдонга туширдим. Мен ўзим кантерадан чиққанман, шу боис кантера анъаналарига содиқ қоламан", – деди Кике Сетьен "Onda Cero"га берган интервьюсида.
Эслатиб ўтамиз, Сетьен январь ойида "Барселона" бошқарувига таклиф этилди. Унинг қўлостида иқтидорли Рики Пуч асосий жамоага таклиф этила бошлади.