Футболчи «Кекса синьоралар»нинг муҳим ўйинчисига айлана олмади.
Испаниянинг «Валенсия» клуби Туриннинг «Ювентус» клуби ҳимоячиси Маттиа Де Шильога харидор бўлмоқда, дея хабар тарқатяпти Calciomercato.
27 ёшли Италия терма жамоаси ҳимоячиси жорий мавсумда «Юве» таркибида атиги 12 та учрашувда майдонга тушди, холос. Шу сабаблиохирги пайтларда Де Шильонинг бошқа клубга ўтиши ҳақида хабарлар кўпайиб кетмоқда.
Аввалроқ, «Ювентус» ўз футболчисини «ПСЖ» клубига сотишдан бош тортгани ҳақида хабарлар тарқатилганди.
Де Шильонинг «Ювентус» билан амалдаги шартномаси 2022 йилнинг 30 июнь кунига амал қилади.
