«Ньюкасл»ни сотиб олиш кутилаётган Муҳаммад бин Салмон жамоани Англиядаги етакчи клублардан бирига айлантирмоқчи.
ESPN тарқатган хабарга кўра, фунционер бунинг учун ишни аввало жамоа бошқарувига топ-мураббийни олиб келишдан бошламоқчи. "Қарғалар" рўйхатидан Массимилиано Аллегри, Маурисио Почеттино, Рафаэль Бенитес ва Люсьен Фавр ўрин олишди. "Тоттенхэм" собиқ мураббийи фаворит сифатида таъкидланмоқда.
"Ньюкасл" Карло Анчелотти билан шартнома имзолаган "Эвертон" йўлидан бормоқчи. Топ-мураббий билан имзоланажак шартнома ёзда амалга ошириладиган трансферларни ҳам осонлаштиришига раҳбарият ишонмоқда.
"Ньюкасл" ушбу мавсумда 29та ўйинда майдонга тушиб, 35 очко тўплади. Клуб 13-поғонани банд этиб турибди.