Мадриднинг «Реал» клуби собиқ бош мураббийи Фабио Капелло коронавирус Испания клубларига қандай салбий таъсир қилиши ҳақидаги фикрлари билан ўртоқлашди.
- Менинг фикримча, коронавирус сабабли Испанияда фақатгина "Реал" клубигина иқтисодий жиҳатдан зарар кўрмайди. «Барселона» ва «Атлетико»ларга жуда қийин бўлади. Трансфер бозорида инқилоб юзага келади. Сўнгги пайтларда беъмани суммалар роль ўйнади. Энди муносиб даражага қайтяпмиз. Тизимни яхшилаш учун ақлли менежерлар керак. Худбинлик ҳалокатга олиб келиши мумкин, — Капеллонинг сўзларидан иқтибос келтирмоқда Gazzetta dello Sport.
