Transfermarkt портали «Манчестер Юнайтед»нинг афсонавий бош мураббийи Алекс Фергюсон қўл остида энг кўп ўйин ўтказган футболчилардан иборат рамзий терма жамоани тузиб чиқди.
Шотландиялик мутахассис бошқарувида энг кўп учрашувда қатнашган футболчи Райан Гиггз бўлди. Уэльслик ярим ҳимоячи «Манчестер Юнайтед» сафида 905 учрашувда майдонга тушган. Жамоанинг айни дамдаги бош мураббийи Оле-Гуннар Сульшер ҳам (365 ўйин) мазкур терма жамоадан ўрин олган.
Рамзий терма жамоа билан танишинг:
Дарвозабон: Петер Шмейҳел (362 ўйин);
Ҳимоячилар: Денис Ирвин (450), Жон О'ши (394), Рио Фердинанд (432), Гари Невилл (598);
Ярим ҳимоячилар: Пол Скоулз (709), Рой Кин (469), Райан Гиггз (905), Девид Бекҳэм (387);
Ҳужумчилар: Оле-Гуннар Сульшер (365), Уэйн Руни (402).
Маълумот учун, Фергюсон 1986—2013 йиллар мобайнида «Манчестер Юнайтед»ни бошқариб борган. Унинг қўл остида жамоа Премьер Лигада 13 марта чемпионликни қўлга киритган. Фергюсон клуб билан умумий миқдорда 38 та совринга эга чиққан.
