"Атлетико" "Велес Сарсфилд" клубининг ҳужумкор ярим ҳимоячиси Тиаго Алмадани сотиб олиш вариантини жиддий кўриб чиқмоқда.
АS нашрининг таъкидлашича, Аргентина клуби 19 ёшли аргентиналик футболчи билан хайрлашишга шошилмаяпти. Алмада қанотда ҳам, марказда ҳам ўйнай олади. Ўз ватанида ёш футболчига аллақачон кетма-кет бир нечта рақибни алдаб кета олиши, ажойиб дриблинги туфайли "янги Месси" лақабини беришган.
Таъкидланишича, агар Мадрид клуби футболчининг товон пули бўлмиш 22 миллион еврони тўласа, "Велес Сарсфилд" Алмадани сотишга рози бўлади. Шу билан бирга, футболчининг нархи жорий йилнинг август ойида яна 3 миллионга кўпаяди.
Манбанинг таъкидлашича, коронавирус пандемиясидан олдин "Атлетико" керакли миқдорни тўлашга тайёр эди, аммо вазият ўзгариши мумкин.
