"Atletiko" "Veles Sarsfild" klubining hujumkor yarim himoyachisi Tiago Almadani sotib olish variantini jiddiy ko‘rib chiqmoqda.

AS nashrining ta’kidlashicha, Argentina klubi 19 yoshli argentinalik futbolchi bilan xayrlashishga shoshilmayapti. Almada qanotda ham, markazda ham o‘ynay oladi. O‘z vatanida yosh futbolchiga allaqachon ketma-ket bir nechta raqibni aldab keta olishi, ajoyib driblingi tufayli "yangi Messi" laqabini berishgan.

Ta’kidlanishicha, agar Madrid klubi futbolchining tovon puli bo‘lmish 22 million yevroni to‘lasa, "Veles Sarsfild" Almadani sotishga rozi bo‘ladi. Shu bilan birga, futbolchining narxi joriy yilning avgust oyida yana 3 millionga ko‘payadi.

Manbaning ta’kidlashicha, koronavirus pandemiyasidan oldin "Atletiko" kerakli miqdorni to‘lashga tayyor edi, ammo vaziyat o‘zgarishi mumkin.