«Барселона» сардори Лионель Мессининг амакиваччаси Макси Бьянкукки футболчининг Аргентина чемпионатига қайтиш эҳтимоли ҳақида фикр билдирди.

«Лео Аргентинани жуда яхши кўради, аммо одамлар буни тушунишмайди. Агар бу ер хавфсиз бўлганида, у Аргентинада ўйнаган бўларди, бунга шубҳа йўқ. Фаолиятини якунлаш чоғида унга таъсир қилиши мумкин бўлган ягона нарса шу. Леони «Ньюэллс»да кўриш – менинг орзум, лекин бу амалга ошиши қийин бўлган иш. Тасаввур қилинг, Месси «класико»да ўйнайди, болалар эса мактабга боришлари керак... Бу шаҳар — ҳақиқий жаҳаннам», — деди Бьянкукки.

Маълумот ўрнида. Месси болалагида «Ньюэллс Олд Бойз» футбол мактабига қатнаган. Шундан сўнг ўсмирлик чоғида «Барселона» уни ўз академиясига олиб кетган.