Дортмунднинг «Боруссия» клуби ҳужумчиси Эрлинг Холанд «Шальке»га қарши ўйиндан кейин ўз фикрлари билан ўртоқлашди.
19 ёшли норвегиялик футболчи ушбу ўйинда ўз ҳисобига битта гол ёзди. Энди унинг ҳисобида Германия чемпионатида 10та гол бор (9та ўйинда).
«Ҳозирча юқори формага кирмадим. Сўнгги 7 ҳафтада ўйинларда иштирок этмадим. Лекин бу вақт мобайнида сидқидилдан ишладим. Шунинг учун бугун гол урганимдан ҳайрон бўлмадим», — деди Холанд Бундеслига матбуот хизматига берган интервьюсида.