Бразилия терма жамоасининг собиқ футболчиси Элбер Франциянинг «ПСЖ» клуби ҳужумчиси Неймарни «Барселона»га қайтиш эҳтимолини тахмин қилди.

«У «Барселона»ни ўзи тарк этганлиги сабабли, менинг фикримча, «Камп Ноу»га қайтиши даргумон. Менимча, Неймар "Барселона" билан жуда ёмон муомилада бўлди, чунки, у кетаётганида дунёнинг энг яхши футболчиси бўлиш учун кетаётганини айтганди.

Лекин, у «ПСЖ» таркибида дунёнинг энг яхши футболчиси бўла олмайди. Бунинг учун у ЕЧЛни юта оладиган «Реал» ёки «Барселона» клубларида ўйнаши мумкин.

Ўйлайманки, «ПСЖ» яқин уч-тўрт йил ичида порламайди», – деди Элбер Cadena SER билан суҳбатда.