Мадриднинг «Реал» клуби ва Бразилия терма жамоаси собиқ ҳимоячиси Роберто Карлос ватандоши ва собиқ жамоадоши Роналдо ҳақида фикр билдирди.

47 ёшли Карлоснинг айтишига қараганда, унинг ватандоши ҳақиқий феномен бўлгани, ҳаттоки ҳозирги топ-футболчилар билан таққослаб бўлмайди.

«Роналдо машғулотларда ҳам ажралиб турарди. У энг зўри эди. Ҳеч қачон бошқа «феномен» бўлмайди. Уни ҳатто Неймар, Криштиану Роналду ёки Лионель Мессилар билан ҳам таққослаб бўлмайди. Роналдо ноёб эди. Ўйлайманки, бизнинг давримизда гол киритиш қийин эди. Қолаверса, бизнинг футболда кўпроқ жисмоний курашлар бор эди, ҳужумчилар эса камроқ ҳимояланган. Аммо Роналдо майдонда ҳамма нарсани қилиши мумкин эди.

У «Реал»га ўтган пайтида клубдаги кўп одамлар биз қандай ажойиб футболчини қўлга киритганимизни тушунишмаганди. Роналдо ўшанда барчани ҳайрон қолдирган», - Карлоснинг сўзларидан иқтибос келтирмоқда Goal.

Эслатиб ўтамиз, Роналдо икки карра «Олтин тўп» (1997 ва 2002 йиллар) соҳиби ҳисобланади.