Роппа-роса 15 йил аввал Москванинг ЦСКА клуби УЕФА Кубоги финалида «Спортинг» клубини 3:1 ҳисобида мағлубиятга учратганди.
Ўшанда Игорь Акинфеев 19 ёшда эди. Дарвозабон финалдан олдидан хаёлига келган фикрлари билан ўртоқлашди.
«Тун жуда ёмон ўтганди. Икки-уч соат деразада ўйланиб ўтирганман. Ёшингиз 19да, ақлдан озгансиз, барибир қаердадир шубҳаланишни бошлайсиз», – Акинфеевнинг сўзларидан иқтибос келтирмоқда клуб матбуот хизмати.
Акинфеев бутун фаолиятини ЦСКАда ўтказиб келмоқда. Унинг клуб билан амалдаги шартномаси 2022 йилда якунига етади.
