«Ювентус» ярим ҳимоячиси Сами Хедира жамоадоши Криштиану Роналду ҳақида ўз фикрлари билан ўртоқлашди.

«Криштиану — ақлбовар ўйинчи ва ажойиб инсон. Мен у билан етти йилдан бирга ўйнаяпман — беш йил «Реал»да ва икки йил «Ювентус»да. Мен уни футбол тарихидаги энг яхши ўйинчи деб ҳисоблайман, нафақат маҳорати учун, балки характери учун ҳам. У ҳамиша ғалаба қозонишни истайди, ҳаттоки машғулотда ҳам.

У — барча футболчилар ва бошқа инсонлар учун ўрнак. У билан бирга машғулот ўтказиш ва ўйнаш имкониятига эга бўлганимдан жуда хурсандман», — деди Хедира "La Gazzetta dello Sport" нашрига берган интервьюсида.

Роналду ушбу мавсумда «Ювентус» сафида А серия доирасида 24та ўйинда майдонга тушиб, 21та гол урди ва 3та голга узатма берди.