ФИФА Гаити футбол Федерация раҳбари Ива Жан-Бартни футболга алоқадор барча лавозимлардан 90 кунга четлатди, дея хабар бермоқда ташкилот расмий сайти.
ФИФАнинг аҳлоқ кодексидаги 84 ва 85 моддаларига асосан, Жан-Барт 90 кун мобайнида футболнинг барча лавозимларидан четлатилиб турилади.
The Guardian нашрининг тарқатган маълумотига қараганда, амалдор мамлакат аёллар терма жамоаси аъзоларига нисбатан жинсий зўравонликда айбланмоқда.
Жан-Барт Гаити футбол Федерациясини 2000 йилдан бери бошқариб келмоқда. У 2016 йили бўлиб ўтган сайловда ғолиб чиқиб, яна беш йилга сайланганди.
