Football Insider нашрининг хабарига кўра, "Барселона" ярим ҳимоячиси Филиппе Коутиньони "Тоттенхэм"га таклиф қилган. Каталонияликлар футболчини "шпорлар"га ижарага олишни таклиф қилмоқда.
Аввалроқ, футболчи учун курашда "Челси" асосий даъвогар бўлиб турганди. Аммо "кўклар" ҳавбекни ижарага олишдан кўра харид қилиш ҳақида ўйламоқда.
Агар "Тоттенхэм" Коутиньони ижарага олишга рози бўлса, унинг маошини тўлашига тўғри келади. Унинг маоши хафтасига 200 минг еврони ташкил қилади.
Эслатиб ўтамиз, футболчи жорий мавсумни "Бавария"да ижарада ўтказмоқда. Мавсум сўнггида "Барселона"га қайтади.
