«Барселона» клуби собиқ ҳужумчиси Гари Линекер нима учун Лионель Мессининг ўйинидан ҳайратланишини айтиб ўтди.

«Баскетболда Майкл Жордан каби футбол тарихида Месси – энг яхши ўйинчи. Ҳозирда кўпчилик Мессини Криштиану Роналду билан таққосламоқда, Марадона билан эмас. «Месси & Роналду» баҳслари кескин тус олади.

Одатда одамлар қайси жамоа — «Барселона», «Реал», «Ювентус»га мухлислик қилишидан келиб чиқиб, бу икки футболчидан бирини танлашади.

Мен ҳам Роналдунинг фанатиман, лекин футбол тарихидаги энг яхши футболчи ҳақида гапирадиган бўлсак, бу ерда баҳсга ҳожат йўқ — бу Месси.

Кўпчилик Мессининг натижалари фақат «Барселона» билан боғлиқлиги сабабли футболчини койийди. Роналду эса турли мамлакатларда совринларни қўлга киритган. Аммо бу сабаб ҳисобланмайди.

Месси, шубҳасиз, "Барса"да ажойиб шериклар билан ўйнаган, аммо ҳамиша ажойиб статистика намойиш қилган. Ким унга шубҳа билан қараган бўлса, Месси доимо уларнинг ноҳақ эканини исботлаб келган.

Ҳаттоки сўнгги бир неча мавсумда «Барселона» у қадар кучли кўринмаган бўлса-да, унинг жамоа ўйинига қўшаётган ҳиссаси камаймаяпти. Аксинча, у майдонга тушмаганда ҳақиқий тартибсизлик юзага келади», – деди Линекер.