Calcio Mercato порталининг тарқатган маълумотига қараганда, Италиянинг "Кальяри" клуби марказий ярим ҳимоячиси Ража Найнгголан "Рома" клубига қайтиш ниятида.
Гап шундаки, ҳуқуқий жиҳатдан "Интер" клубига тегишли бўлган бельгиялик футболчини "нерадзуррилар" текинга қўйиб юбориши амримаҳол. Бундан ташқари, "нерадзуррилар" ўз футболчисини яна текинга ижарага бериш ниятида эмас, шунинг учун Ражани сотиш ниятида.
Эслатиб ўтамиз, бельгиялик футболчи "Интер" клубига айнан "Рома"дан 2018 йили кўчиб ўтган эди, лекин "Интер" жамоасига кўникиб кета олмагани учун ижарага бериб юборилганди.
