Англиянинг «Ливерпуль» клуби «Лейпциг» ҳужумчиси Тимо Вернерни қўлга киритишни уддалай олмаганидан кейин, эътиборини бошқа футболчига қаратишни бошлади.
Британия матбуотининг тарқатган маълумотига қараганда, «Ливерпуль» «Вулверхэмптон» клуби футболчиси Адам Траорега қизиқиш билдирмоқда. Transfermarkt портали Траоренинг нархини 25,5 миллион евро атрофида баҳоламоқда.
Аввалроқ, "қизиллар" бош мураббийи Юрген Клопп Траоре билан «Ливерпул»га ўтиш имкониятлари ҳақида суҳбатлашгани ҳақида хабарлар тарқатилганди.
