“Локомотив”нинг кеча АГМК жамоасига қарши ўтказган синов-назорат ўйинида ҳимоячи Шуҳрат Муҳаммадиев ҳам иштирок этди.

Қайд этиш керак, Муҳаммадиев ўтган йилнинг 26-май кунида Қаршида “Насаф” жамоасига қарши ўйиннинг 31-дақиқасида рақиб жарима майдончаси ичида тўп учун курашда ерга қалтис йиқилиши натижасида, ўнг оёқ кичик болдирининг пастки учдан бир қисми ёпиқ синиб, жойидан силжиши ва ушбу товоннинг ярим чиқиши ташхиси билан жароҳат олганди. Муҳаммадиевнинг майдонга қайтиши учун 1 йил-у 10 кун вақт керак бўлди.

Энди футболчи ушбу мавсумда барча ўйинларда қатнаша олади.