«Барселона» бош мураббийи Кике Сетьен Ла лига бошланиши арафасида ўз фикрлари билан ўртоқлашди.
«Мессининг аҳволи яхши, у мавсум қайта бошланганидан кейин биринчи баҳсда майдонга тушиши мумкин.
Суарес сидқидилдан шуғулланмоқда. У машғулотда ўзини аъло даражада намойиш этди. Унинг жисмоний тайёргарлиги биз кутгандан кўра ҳам яхшироқ ҳолатда. Тўғри, у ўйинни асосий таркибда бошлайдими ёки захирадан тушириладими, ҳали бир қарорга келмадик.
Тактик жиҳатдан биз ҳеч нарсани ўзгартирмасак керак. Шунчаки, танаффус юзага келган пайтга қадар қилган ишларимизни яхшироқ бажаришимиз керак. Ҳозир босиб ўтаётган йўлимиздан қониқиш ҳосил қиляпман. Тайёргарлигимизни яхшилаш учун кўп нарсаларни таҳлил қилишга улгурдик», — деди Сетьен Sport.es нашрига берган интервьюсида.
Эслатиб ўтамиз, Испания чемпионатининг 28-тури доирасида «Барселона» 13 июнь куни «Мальорка»га қарши меҳмонда баҳс юритади.