Осиё Футбол Конфедерацияси футзал бўйича Осиё чемпионати, ўсмирлар ўртасидаги Осиё чемпионати ҳамда ОЧЛ баҳслари ўтказилиш саналарига ўзгартириш киритилгани ҳақида маълум қилди.
Унга кўра, катталар ўртасидаги футзал бўйича Осиё чемпионати 4-15 ноябрь кунлари Туркманистонда бўлиб ўтади.
Шунингдек, Баҳрайнда ўтказиладиган У16 Осиё чемпионати эса 25 ноябрь – 12 декабрь кунларига кўчирилди.
Бундан ташқари, Осиё чемпионлар лигаси Ғарб минтақасидаги гуруҳ босқичи ва плей-офф баҳслари марказлашган форматда сентябрь ойида ўтказилади. Ушбу учрашувларга мезбонлик қиладиган мамлакат номи кейинроқ эълон қилиниши кўзда тутилган.
Ўзбекистон мезбонлик қиладиган У19 Осиё чемпионати аввалдан белгиланганидек 14-31 октябрь кунлари бўлиб ўтиши режалаштирилган.
Ўз навбатида, клублар ўртасидаги футзал бўйича Осиё чемпионати санасига ҳам ўзгартириш киритилмаган ва ушбу турнир БААда 2-13 декабрь ташкил этилади.
Футзал бўйича Осиё чемпионати
4-15 ноябрь | Туркманистон
У16 Осиё чемпионати
25 ноябрь – 12 декабрь | Баҳрайн
Осиё чемпионлар лигаси
Сентябрь | гуруҳ ва плей-офф босқичи
2-3 ноябрь | чорак финал босқичи
24 ноябрь | ярим финал босқичи
5 декабрь | финал
У19 Осиё чемпионати
14-31 октябрь | Ўзбекистон
Клублар ўртасидаги футзал бўйича Осиё чемпионати
2-13 декабрь | БАА
*Юқорида эълон қилинган саналар минтақадаги эпидемиологик вазиятдан келиб чиққан ҳолда ўзгартирилиши мумкин.
