"Пари Сен-Жермен" клуби ҳужумчиси Эдинсон Кавани "Интер"дан қанча маош талаб қилаётгани маълум қилди.
"La Gazzetta dello Sport" тарқатган хабарга кўра, 33 ёшли футболчи "нерадзурри"дан 12 миллион евро йиллик маош сўраган. Аммо миланликлар уругвайлик футболчига бундай миқдорда маош тўлашга тайёр эмаслар. Боиси, клубда энг юқори йиллик маош7,5 миллион еврога тенг.
Эдинсон Каванининг "ПСЖ" билан шартномаси якунига етиб бормоқда. Шу боис, у жамоани эркин агент сифатида тарк этади. Уругвайлик футболчи "ПСЖ"даги 7 йиллик фаолияти давомида 301та ўйинда майдонга тушиб, 200та гол урди ва 43та голга ассистентлик қилди.
Эслатиб ўтамиз, Каванига Мадриднинг «Атлетико» клуби даъвогарлик қилмоқда.
