«Ювентус» бош мураббийи Маурицио Сарри Италия кубогининг ярим финал босқичи доирасида «Милан»га қарши бўлиб ўтган ўйин (0:0) борасида ўз фикрларини билдириб ўтди.

«Дастлабки 30 дақиқадаги ўйинимиздан ҳайрон бўлдим ва қониқиш ҳосил қилдим. «Ювентус» тўпни тез ҳаракатлантирди ва ўйинда тўлиқ устунликка эга бўлди, ҳаттоки қизил карточкагача ҳам.

Шундан сўнг биз ўйин темпини пасайтирдик, аммо бўш стадионда бу таваккалчилик эди. Биз тўпга бир-икки тегиниш орқали ўйнадик, лекин кейин секинлашдик ҳамда эътиборни кўпроқ баъзи ҳаракатларга қаратдик.

Ижобий томони шундаки, биз рақибга умуман ўйнаш имконини бермадик.

Жисмоний ҳолат ва менталитетни юз фоиз тиклаб олиш учун маълум вақт керак. Агар бугунги ўйинни мавсумолди учрашув билан таққосласак, июль ойида юқори формага кирамиз. Аммо танаффус узунроқ бўлгани учун бу мавсумолдидаги ўйиндан ёмонроқ бўлди. Озгина сабр қилиш керак бўлади. Аммо дастлабки 30 дақиқада мен кўрган ўйин эртанги кун учун захирага эга эканимизни исботлади.

Энг муҳими, биз финалдамиз. «Наполи», биз каби ўз уйидаги устунликни қўлдан чиқарди. Биринчи ўйин натижаси «Интер» учун кичик устунликни тақдим этиши мумкин мумкин, аммо аслида бу тўқнашув тақдири ҳали ҳал бўлмаган», – деди Сарри.