«Yuventus» bosh murabbiyi Maurisio Sarri Italiya kubogining yarim final bosqichi doirasida «Milan»ga qarshi bo‘lib o‘tgan o‘yin (0:0) borasida o‘z fikrlarini bildirib o‘tdi.

«Dastlabki 30 daqiqadagi o‘yinimizdan hayron bo‘ldim va qoniqish hosil qildim. «Yuventus» to‘pni tez harakatlantirdi va o‘yinda to‘liq ustunlikka ega bo‘ldi, hattoki qizil kartochkagacha ham.

Shundan so‘ng biz o‘yin tempini pasaytirdik, ammo bo‘sh stadionda bu tavakkalchilik edi. Biz to‘pga bir-ikki teginish orqali o‘ynadik, lekin keyin sekinlashdik hamda e’tiborni ko‘proq ba’zi harakatlarga qaratdik.

Ijobiy tomoni shundaki, biz raqibga umuman o‘ynash imkonini bermadik.

Jismoniy holat va mentalitetni yuz foiz tiklab olish uchun ma’lum vaqt kerak. Agar bugungi o‘yinni mavsumoldi uchrashuv bilan taqqoslasak, iyul oyida yuqori formaga kiramiz. Ammo tanaffus uzunroq bo‘lgani uchun bu mavsumoldidagi o‘yindan yomonroq bo‘ldi. Ozgina sabr qilish kerak bo‘ladi. Ammo dastlabki 30 daqiqada men ko‘rgan o‘yin ertangi kun uchun zaxiraga ega ekanimizni isbotladi.

Eng muhimi, biz finaldamiz. «Napoli», biz kabi o‘z uyidagi ustunlikni qo‘ldan chiqardi. Birinchi o‘yin natijasi «Inter» uchun kichik ustunlikni taqdim etishi mumkin mumkin, ammo aslida bu to‘qnashuv taqdiri hali hal bo‘lmagan», – dedi Sarri.