Италия кубогининг финалига йўл олган иккинчи жамоа номи аниқ бўлди. "Наполи" ва "Интер" жамоалари ўртасидаги жавоб ўйинида дуранг қайд этилди. Биринчи ўйинда ғалаба қозонган неаполликлар финал йўлланмасини қўлга киритишди.

Учрашувнинг 2-дақиқасидаёқ "нерадзурри" гол уриб, икки ўйин натижасига кўра ҳисобни тенглаштириб қўйди. Кристиан Эриксен бурчакдан йўллаган айланма зарбани "Наполи" посбони қайтара олмади.

Биринчи бўлимга тугашига 4 дақиқа қолганида Оспина бошлаб берган ҳужумни мезбонлар ривожлантиришди. Инсиньенинг узатмасидан кейин Мертенс жуда қулай вазиятга чиқди ва дарвозани ишғол қилди.

Иккинчи бўлимда Конте шогирдлари вазиятни ўнглаш учун ҳаракат қилишди. Бунинг учун уларга битта гол етарли бўларди. Меҳмонлар голга тортадиган вазиятлар яратишди. Аммо дарвозабон Оспина ва мудофаа вакиллари яхши ҳаракат қилиб, дурангни сақлаб қолишди.

Шу тариқа, Италия кубоги финалида "Ювентус" ва "Наполи" клублари тўқнаш келишади. Ҳал қилувчи ўйин 17 июнь куни бўлиб ўтади.

Италия кубоги, ярим финал, жавоб ўйини
Наполи – Интер 1:1 (1:1)
Голлар: 0:1 – 2 Эриксен, 1:1 – 41 Мертенс.
Наполи – Оспина, Максимович, Кулибали, Ди Лоренцо, Хюсай, Элмаз (Фабиан Руис, 65), Зелиньски (Аллан, 85), Инсинье (Юнес, 85), Демме, Политано (Кальехон, 65), Мертенс (Милик, 75).
Интер – Ханданович, Шкриньяр, де Врей (Раноккия, 88), Бастони, Янг (Бираги, 72), Барелла, Брозович, Кандрева (Мозес, 72), Эриксен (Сенси, 88), Мартинес (Санчес, 72), Лукаку.
Огоҳлантиришлар: Янг (12), де Врей (38), Оспина (79).
Дастлабки ўйин — 1:0.