Россия Премьер-лигаси 23-тури доирасидаги «Сочи» - «Ростов» учрашуви меҳмонлар сафидаги 6 нафар футболчида коронавирус аниқланганига қарамай, ўтказиладиган бўлди.
«Сочи» клуби расмий сайтининг хабар беришича, клуб «Ростов» билан ушбу баҳснинг ўз вақтида ўтказилиши борасида келишувга эришган. Ўйин бугун, 19 июнь куни соат 22:00да Сочида ўтказилади.
Эслатиб ўтамиз, аввалроқ «Ростов» клубининг 6 нафар футболчисида коронавирус аниқлангани сабабли клуб икки ҳафталик карантинга чиқишини эълон қилганди.
Шунингдек, «Ростов» клуби агар ўйин ўз вақтида ўтказиладиган бўлса, асосий таркибни эмас 2003 йилда туғилган футболчилардан иборат жамоасини Сочига юборишини маълум қилганди.
