«Реал» бош мураббийи Зайниддин Зидан Ла лиганинг 29-тури доирасида бўлиб ўтган «Валенсия»га қарши ўйин (3:0) борасида ўз фикрини билдириб ўтди.
"Барча ўйинлар мураккаб. «Валенсия» учрашувнинг дастлабки бир соатини жуда яхши ўтказди. Вазиятдан чиқиб кета олганимиздан хурсандман. Ҳақли равишда 3 очкони қўлга киритдик. Биз ўйинга бор эътиборимизни қаратганимизда, бизни мағлуб этиш қийин бўлади.
Биз фақат ўз ўйинимизга таянамиз. Рақиблар нима қилаётгани ҳақида ўйламайман. «Барселона»нинг «Севилья»га қарши ўйинини томоша қилмайман. Лекин каталонияликлар очко йўқотишади, деб ўйламайман", — деди Зидан.