Мюнхеннинг "Бавария" клуби бош мураббийи Ханси Флик "Фрайбург" (3:1) клуби устидан Бундеслиганинг 33-тур доирасида қўлга киритилган ғалаба ҳақидаги фикрлари билан ўртоқлашди.
"Биз жорий мавсумда ўз олдимизга қўйган мақсадимизга ҳали эришмадик. Биз чемпионликни қўлга киритдик, энди Кубокка эга чиқишни хоҳлаймиз. Кейин яна бир мақсадимиз бор-бунинг учун барчамиз астойдил меҳнат қиляпмиз", - Фликнинг сўзларидан иқтибос келтирмоқда Kicker.de.