Ушбу рукнимиздаги энг сўнгги янгиликлар билан таништиришда давом этамиз.
“Сити” тайёр
Англиянинг “Манчестер Сити” клуби ўз ҳужумчиси Габриел Жезуз борасидаги исталган таклифни кўриб чиқишга тайёр эканлигини расман эълон қилди.
Sports.es нашрининг маълум қилишича, “шаҳарликлар” ўз ҳужумчисини 60 миллион евро эвазига сотиб юборишга тайёр.
Эслатиб ўтамиз, Жезуз билан Миланнинг “Интер” клуби жиддий қизиқиб қолган бўлиб, клуб Лаутаронинг ўрнини айнан “Манчестер Сити” футболчиси билан тўлдирқмочи.
“Арсенал” киппер изламоқда
Лондоннинг “Арсенал” жамоасига зудлик билан дарвозабон керак.
Маълумотларга қараганда, жамоанинг асосий дарвозабони Берт Лено жароҳат оритиб олгани боис, узоқ муддатга сафдан чиққан.
“Daily Exspress” нашрининг маълум қилишича, клуб бош мураббийи Микел Артета Жо Харт билан шартнома имзолашни раҳбариятга таклиф қилган.
Эслатиб ўтамиз, Хартнинг “Бернли” билан тузган шартномаси 30 июн санасида ўз кучини йўқотади.
Дембелега “Ливерпуль” яқинлашмоқда
Каталониянинг “Барселона” жамоаси ҳужумчиси Усман Дембеле учун курашда “Ливерпуль” тобора рақибларини ортда қолдириб бормоқда.
“Mundo Deportivo”нинг маълум қилишича, “Барселона” ўз футболчисини 50-60 миллион атрофидаги сумма эвазига қўйиб юборишга тайёр.
Манбада ёзилишича, жамоа ёзда клубни тарк этиши аниқ бўлиб улгурган Шакирининг ўрнини айнан Дембеле билан тўлдирмоқчи.
Лемпардга футболчилар керак!
Англиянинг “Челси” клуби устози Френк Лемпард жамоадаги оғриқли нуқталарни самарали трансфер компанияси орқали тўлдиришни режалаштирмоқда.
Мураббийнинг айтишича, Зиеш ва Вернернинг трансфери муаммоларга тўлиқ ечим бўла олмайди. Клуб тўлиқ куч билан ишга тушиши учун камида яна 5 та футболчини сотиб олиши керак.
Daily Mailнашрининг маълум қилишича, Френк аллақачон ўз режаларига киритилган футболчилар рўйхатини клуб спорт директорига топширган ва тез орада трансфер музокаралари бошланади.
"Сити” ўз услубида
Англиянинг “Манчестер Сити” клуби радарига Португалиянинг “Бенфика” клуби ҳимоячиси Рубен Диаш тушиб қолди.
Бу ҳақида “EveningStandard” нашри маълум қилган. Манбада ёзилишича, 23 ёшли футболчининг трансфери билан шахсан Пеп Гвардиола қизиқиб қолган ва у Рубен ёзда клубни тарк этиши кутилаётган Отаменди ва Стоунзларнинг ўрнини босиши тахмин қилинмоқда.
Эслатиб ўтамиз, “бургутлар” ўз ҳимоячисини 90 миллиондан камига сотмоқчи эмас.
