Каталониянинг «Барселона» клуби Ла Лиганинг 31-турида «Атлетик» клубини қабул қилди ва навбатдаги уч очкони ўз ҳисобига ёзиб қўйди. Каталонияликлар эндиликда "Реал"ни 3 очко ортда қолдирмоқда, лекин мадридликлар ҳисобида битта заҳира ўйин бор. Сетьеннинг фикрига кўра, ҳеч ким Мадрид ҳақида ўйламаяпти.
«Биз олдин қилган ишимизни қилишда давом этишимиз керак. Рақиб ўйини ҳақида ўйлашимиз керак эмас. Биз кетма-кет бешта ўйиндан бери гол ўтказмаяпмиз. Ўша ўтган ўйинларнинг фақатгина биттасида дурангга эришдик, холос. Умуман олганда, бу яхши ҳаракат», – деди «Барселона» бош мураббийи.
Каталонияликлар кейинги турни сафарда «Сельта» клубига қарши ўтказади.
