Туриннинг "Ювентус" клуби ҳужумчиси Криштиану Роналду А Серия 28-тури доирасидаги «Лечче»га қарши ўйинни ўтказиб юбориши мумкин. Бу ҳақда Calciomercato ёзмоқда.
Манбанинг хабар беришича, "кекса синьоралар" бош мураббийи Маурицио Сарри португалиялик футболчининг спорт формасини тезроқ тиклаб олиши учун 35 ёшли ҳужумчига дам олиш имкониятини бермоқчи. Аммо бу борада аҳли якуний тўхтамга келингани йўқ.
Эслатиб ўтамиз, Роналду "А" Серия жорий мавсумида 23 ўйинда майдонга тушиб, 22та голга муаллифлик қилган. "Ювентус" – "Лечче" учрашуви 26 июнь куни соат 00:45да бошланади.
