Пандемия боис футболнинг ажралмас қисмлари – аёллар футболи, футзал баҳслари ҳам тўхтаб қолганди. Ўзбекистон профессионал футбол лигаси дастввал Суперлига, сўнгра Ўзбекистон кубоги ҳамда Про лига мусобақаларини давом эттиришни йўлга қўйганди. Тегирмон навбати билан дегандек, ундан кейин аёллар футболи бўйича мавсум тақвими ишлаб чиқилди. Иккин кундан кейин эса футзал чемпионатимиз ҳам давом эттириладиган бўлди.

1-6 июль кунлари Тошкент шаҳридаги “Ёшлик” спорт мажмуасида футзал бўйича XXIV Ўзбекистон чемпионати Олий лигаси 2-тур учрашувлари бўлиб ўтади. Беллашувлар юртимизда жорий қилинган карантин қоида ва меъёрлари сабаб мухлисларсиз ўтказилади.

Таъкидлаш лозим, айни пайтда пандемия давом этаётгани, республика ҳудудида эпидемиологик вазият ҳамон ўзгармагани футзал чемпионати давоми кечикишига сабаб бўлди. Шунингдек, ҳозирги вазиятда футзал мусобақаларини ўтказишда амалий ёрдам кўрсатгани ва "Ёшлик" спорт мажмуасини тақдим этгани учун ЎзПФЛ "Пахтакор" клубига миннатдорчилик билдиради.

ФУТЗАЛ. ИККИНЧИ ТУР БАҲСЛАРИ ТАҚВИМИ

1 июль, чоршанба
11:00 “Пахтакор” – “Бухоро”
14:00 “Хуахин Жиззах” – “Металлург”
17:00 “Локомотив” – “Строитель-Зарафшон”

2 июль, пайшанба
10:00 “Бухоро”  - “Металлург”
13:00 “Локомотив” – “Хуахин Жиззах”
16:00 “Пахтакор” – “Строитель-Зарафшон”

3 июль, жума
11:00 “Локомотив” – “Бухоро”
14:00 “Пахтакор” – “Хуахин Жиззах”
17:00 “Металлург” – “Строитель Зарафшон”

4 июль, шанба
11:00 “Қўқон-1912” – “Максам-Чирчиқ”
14:00 “Насаф” – “Навбаҳор”
17:00 “Бунёдкор” – АГМК

5 июль, якшанба
11:00 “Қўқон-1912” – “Насаф”
14:00 “Бунёдкор” – “Навбаҳор”
17:00 АГМК – “Максам-Чирчиқ”

6 июль, душанба
11:00 “Бунёдкор” – “Қўқон-1912”
14:00 “Максам-Чирчиқ” – “Навбаҳор”
17:00 “Насаф” – АГМК.