Pandemiya bois futbolning ajralmas qismlari – ayollar futboli, futzal bahslari ham to‘xtab qolgandi. O‘zbekiston professional futbol ligasi dastvval Superliga, so‘ngra O‘zbekiston kubogi hamda Pro liga musobaqalarini davom ettirishni yo‘lga qo‘ygandi. Tegirmon navbati bilan degandek, undan keyin ayollar futboli bo‘yicha mavsum taqvimi ishlab chiqildi. Ikkin kundan keyin esa futzal chempionatimiz ham davom ettiriladigan bo‘ldi.

1-6 iyul kunlari Toshkent shahridagi “Yoshlik” sport majmuasida futzal bo‘yicha XXIV O‘zbekiston chempionati Oliy ligasi 2-tur uchrashuvlari bo‘lib o‘tadi. Bellashuvlar yurtimizda joriy qilingan karantin qoida va me’yorlari sabab muxlislarsiz o‘tkaziladi.

Ta’kidlash lozim, ayni paytda pandemiya davom etayotgani, respublika hududida epidemiologik vaziyat hamon o‘zgarmagani futzal chempionati davomi kechikishiga sabab bo‘ldi. Shuningdek, hozirgi vaziyatda futzal musobaqalarini o‘tkazishda amaliy yordam ko‘rsatgani va "Yoshlik" sport majmuasini taqdim etgani uchun O‘zPFL "Paxtakor" klubiga minnatdorchilik bildiradi.

FUTZAL. IKKINCHI TUR BAHSLARI TAQVIMI

1 iyul, chorshanba
11:00 “Paxtakor” – “Buxoro”
14:00 “Xuaxin Jizzax” – “Metallurg”
17:00 “Lokomotiv” – “Stroitel-Zarafshon”

2 iyul, payshanba
10:00 “Buxoro”  - “Metallurg”
13:00 “Lokomotiv” – “Xuaxin Jizzax”
16:00 “Paxtakor” – “Stroitel-Zarafshon”

3 iyul, juma
11:00 “Lokomotiv” – “Buxoro”
14:00 “Paxtakor” – “Xuaxin Jizzax”
17:00 “Metallurg” – “Stroitel Zarafshon”

4 iyul, shanba
11:00 “Qo‘qon-1912” – “Maksam-CHirchiq”
14:00 “Nasaf” – “Navbahor”
17:00 “Bunyodkor” – AGMK

5 iyul, yakshanba
11:00 “Qo‘qon-1912” – “Nasaf”
14:00 “Bunyodkor” – “Navbahor”
17:00 AGMK – “Maksam-CHirchiq”

6 iyul, dushanba
11:00 “Bunyodkor” – “Qo‘qon-1912”
14:00 “Maksam-CHirchiq” – “Navbahor”
17:00 “Nasaf” – AGMK.