«Barselona» va Ispaniya terma jamoasining sobiq futbolchisi Andres Inyesta «Galf Yunayted» bosh murabbiyi sifatidagi ilk rasmiy o‘yinini o‘tkazadi.
Uning jamoasi BAA Birinchi divizioni doirasida «Dibba Al-Fujayra»ga qarshi maydonga tushadi. Uchrashuv 28 avgust, juma kuni bo‘lib o‘tadi.
Inyesta 2024 yilda, «Emireyts» klubi safida to‘p surayotgan paytida futbolchilik faoliyatini yakunlagan edi. Shundan so‘ng ispaniyalik mutaxassis UEFA A murabbiylik lisenziyasini oldi va iyun oyida Dubayning «Galf Yunayted» klubini qabul qilib oldi. Ayni paytda u UEFA Pro lisenziyasini olish uchun tahsilni davom ettirmoqda.
«Galf Yunayted» 2025/26 yilgi mavsumda BAA futbol tizimidagi ikkinchi darajali musobaqa hisoblangan Birinchi divizionda 10-o‘rinni egallagan.
2019 yilda tashkil etilgan klub shu vaqtga qadar ikki marta yuqori divizionga ko‘tarilgan. «Galf Yunayted» tarkibi diviziondagi eng yosh jamoalardan biri bo‘lib, bu Inyestaning futbolchilarni individual rivojlantirishga asoslangan murabbiylik falsafasiga mos keladi.
