“Челси”нинг мағлубияти Лондоннинг бошқа бир клубини бугунги ўйинда ғалабага янада чоғлантириши лозим. “Тоттенҳем”нинг аввалги бош мураббийи учун айнан “Шеффилд”га қарши ўйин АПЛдаги сўнггиси бўлганини кўпчилик эслолмаса ҳам керак. Боиси, истеъфо сабаби 1:1 ҳисобида тугаган учрашувнинг деярли алоқаси йўқ. Почеттино ҳақида у ишидан айрилган вақтда кўп гаплашдик. Ҳозир жамоа Жозе Моуриньо билан бирга ЧЛ йўлланмаси учун кураш олиб бормоқда. Бу курашда чигалликлар кўп. Баҳс сўнгги турларга қадар давом этиши мумкин. Албатта ҳар бир жамоанинг кураш йўли турли ва унинг узунлиги йўлдаги тўхташ нуқталарига боғлиқ. Аниқроқ айтилса ҳар бир алоҳида ўйиндаги натижалар.
Аммо, ҳаммаси осон эмас, “Шеффилд” жорий мавсумдаги мураккаб клуб. Рестарт ўта омадсиз келган бўлсада, Крис Уайлдер жамоасини енгил баҳоламаслик лозим. Гарчи мураббий ҳали ноунейм бўлсада, бу ўйиндаги ғалаба ЧЛ йўлланмасига “Шеффилд”ни “Тоттенҳем”дан кўра яқинроқ қилиши унинг футболчиларига ҳам кам мотивация бермайди, албатта.
АПЛ. 32-тур
“Шеффилд Юнайтед” – “Тоттенҳем”
Соат 22:00, Футбол ТВ