"Реал" ҳимоячиси Рафаэль Варан Испания чемпионатининг 33-туридан ўрин олган «Хетафе»га қарши ўйинда жароҳат олиб, майдонни тарк этган эди.
Франциялик футболчи елкасида оғриқ ҳис қилмоқда. У учрашувдан кейин жамоа тиббиёт штаби кузатуви остида ўз уйига етиб келди.
27 ёшли ўйинчи катта эҳтимол билан Ла лиганинг 34-тури доирасида бўлиб ўтадиган «Атлетик»га қарши ўйинда майдонга туша олмайди. Шу боис, Бильбаода учрашувда ҳимоя марказида Эдер Милитао ҳаракат қилиши кутилмоқда.