Ўзи қисқа бўлган шу анонсни эълон қилишни таркиблар чиққунига қадар кечиктириб турдим. Чунки, бугун Манчестер шаҳридан бир нохуш хабар оралаганди. Дарҳол айтай, ҳаммаси жойида. Погба ҳам, Фернандеш ҳам асосийда.

Танаффусдан сўнг келган жойидан давом эттираётган клублар бор. Яъни, февраль-март ойида зўр натижалар қайд этиб, буни июньга улаб юборганлар.

Улар орасида МЮ ўзгача ёқимли ўйин кўрсатмоқда. Клубнинг мағлубиятсиз серияси 15 ўйинга етиб бўлган. Бруно Фернандешнинг Поль Погба билан чиқишиб кетиши эса “қизиллар” учун ўта муҳим бонус бўлди. Сульшер клуби сўнгги икки ўйинда йирик ва ишончли ғалаблар қайд этди.

Олдиндаги рақиб бу серияни давом эттириш учун ўта қулай – “Борнмут”. 27 очко билан 19 ўринда бораётган ушбу клуб рестартдаги уч ўйиннинг барчасида мағлуб бўлди. Бир факт бор-ки, у МЮ зараригами ё фойдасига айтиш қийин, чунки, реванш учун ҳаракат қилиб кўради жамоа. Боиси, биринчи даврадаги ўйинда “Борнмут” кичик (1:0) ғалабага эришган. Кўрамиз, амалда қандай бўлар экан.

Футбол ТВ, 19:00
“Манчестер Юнайтед” – “Борнмут”
Бирга кўрамиз!

Ориф Толипов