O‘zi qisqa bo‘lgan shu anonsni e’lon qilishni tarkiblar chiqquniga qadar kechiktirib turdim. Chunki, bugun Manchester shahridan bir noxush xabar oralagandi. Darhol aytay, hammasi joyida. Pogba ham, Fernandesh ham asosiyda.

Tanaffusdan so‘ng kelgan joyidan davom ettirayotgan klublar bor. Ya’ni, fevral-mart oyida zo‘r natijalar qayd etib, buni iyunga ulab yuborganlar.

Ular orasida MYU o‘zgacha yoqimli o‘yin ko‘rsatmoqda. Klubning mag‘lubiyatsiz seriyasi 15 o‘yinga yetib bo‘lgan. Bruno Fernandeshning Pol Pogba bilan chiqishib ketishi esa “qizillar” uchun o‘ta muhim bonus bo‘ldi. Sulsher klubi so‘nggi ikki o‘yinda yirik va ishonchli g‘alablar qayd etdi.

Oldindagi raqib bu seriyani davom ettirish uchun o‘ta qulay – “Bornmut”. 27 ochko bilan 19 o‘rinda borayotgan ushbu klub restartdagi uch o‘yinning barchasida mag‘lub bo‘ldi. Bir fakt bor-ki, u MYU zararigami yo foydasiga aytish qiyin, chunki, revansh uchun harakat qilib ko‘radi jamoa. Boisi, birinchi davradagi o‘yinda “Bornmut” kichik (1:0) g‘alabaga erishgan. Ko‘ramiz, amalda qanday bo‘lar ekan.

Futbol TV, 19:00
“Manchester Yunayted” – “Bornmut”
Birga ko‘ramiz!

Orif Tolipov