«Лацио» нафақат чемпионлик учун курашдан сафдан чиқди, жамоа бундай натижа қайд этса, кучли учликдан ҳам чиқиб кетиши мумкин. Симоне Индзаги шогирдлари Италия чемпионатининг 32-тури доирасида ўз майдонида «Сассуоло»ни қабул қилиб, имкониятни бой беришди.

Баҳснинг 33-дақиқада Луис Альберто римликларни ҳисобда олиб чиққан эди. Иккинчи бўлим бошида Распадори ҳисобни тенглаштирди. Иккинчи бўлимга қўшиб берилган 1-дақиқада Капуто гол уриб, "Лацио"ни "капут" қилди.

Шу тариқа, "Сассуоло" кетма-кет тўртинчи ўйинда ғалаба қозонаётган бўлса, жамоанинг мағлубиятсиз ўйинлар серияси 5тага етди. Натижада жамоа Европа лигаси йўлланмаси учун курашга қўшилди.

"Лацио" эса кетма-кет учинчи ўйиндирки ютқазмоқда.

Италия чемпионати, 32-тур
Лацио – Сассуоло 1:2 (1:0, 0:2)
Голлар: 1:0 – 33 Луис Альберто, 1:1 – 52 Распадори, 1:2 – 90 Капуто.
Лацио – Стракоша, Лукаку (Хони Родригес, 46), Раду (Вавро, 83), Баштуш, Лаццари, Луис Альберто (Адеканье, 83), Милинкович-Савич (Лейва, 67), Пароло, Ачерби, Кайседо (Катальди, 61), Иммобиле.
Сассуоло – Консильи, Марлон, Феррари, Толян (Мюльдюр, 46), Кирьякопулос, Локателли, Бога (Рожерио, 79), Бурабия, Журичич (Гараслин, 68), Траоре (Капуто, 46), Распадори (Маньяни, 89).
Огоҳлантиришлар: Пароло (23), Иммобиле (42), Мюльдюр (51), Баштуш (75), Феррари (83), Лейва (85).